Yanvarın 3-də Türkiyənin veteranlardan ibarət "Türk Silahlı Qüvvələri" amputant futbol komandası ilə yoldaşlıq görüşü keçirmiş Azərbaycanın "Qarabağ qaziləri" Amputant Futbol Federasiyasının əlillərdən ibarət Qarabağ qaziləri komandası bu gün Bakıya dönüb.Milli.Az oxu.az-a istinadən xəbər verir ki, Azərbaycan komandasının "Türk Silahlı Qüvvələri" ilə yoldaşlıq görüşü 4:4 hesablı heç-heçə ilə başa çatıb. Səfər çərçivəsində "Qarabağ qaziləri" Amputant Futbol Federasiyasının nümayəndələri və milli komandanın üzvləri Türkiyə daxili işlər naziri Süleyman Soylu ilə görüşüblər. Onlar həmçinin Azərbaycanın ümummilli lideri Heydər Əliyevin Ankaradakı abidəsini və Türkiyə Cümhuriyyətinin banisi Mustafa Kamal Atatürkün Ankarada dəfn olunduğu məqbərəni - Anıtqəbiri ziyarət ediblər.Milli.Az