Bu gün futbol üzrə 2020-ci il Avropa çempionatında seçmə mərhələnin II turuna start veriləcək.
"Report"un məlumatına görə, turun ilk oyun günündə 4 qrupda 10 qarşılaşma keçiriləcək.
"E" qrupunda Macarıstan Xorvatiyanı, Uels Slovakiyanı qəbul edəcəyi halda, Azərbaycan millisi rəsmi matça çıxmayacaq. İlk turda Slovakiya Macarıstanı 2:0, Xorvatiya isə Azərbaycanı 2:1 hesabı ilə yenib.
Günün mərkəzi oyunu "C" qrupunda Hollandiya və Almaniya yığmaları arasında olacaq. İlk turda "narıncılar" Belarusu darmadağın edib, Bundestim isə rəqibsiz qalıb. Qrupun digər matçında Şimali İrlandiya Belarusu sınağa çəkəcək.
"G" qrupunda İsrail Avstriyanı, Sloveniya Makedoniyanı, Polşa Latviyanı qəbul edəcək. Polşadakı qarşılaşmanı Əliyar Ağayevin rəhbərliyi altında azərbaycanlı hakimlər briqadası idarə edəcək.
"İ" qrupunda isə Qazaxıstan - Rusiya, San-Marino - Şotlandiya, Kipr - Belçika qarşılaşmaları oynanılacaq.
AVRO-2020, seçmə mərhələ, II tur (24 mart)
"C" Qrupu
23:45. Şimali İrlandiya - Belarus
23:45. Hollandiya - Almaniya
Xal durumu: Hollandiya - 3, Şimali İrlandiya - 3, Almaniya - 0, Estoniya - 0, Belarus - 0.
"E" Qrupu
18:00. Uels - Slovakiya
21:00. Macarıstan - Xorvatiya
Xal durumu: Slovakiya - 3, Xorvatiya - 3, Uels - 0, Azərbaycan - 0, Macarıstan - 0.
"G" Qrupu
21:00. İsrail - Avstriya
23:45. Sloveniya - Makedoniya
23:45. Polşa - Latviya
Xal durumu: Makedoniya - 3, Polşa - 3, Sloveniya - 1, İsrail - 1, Avstriya - 0, Latviya - 0.
"İ" Qrupu
18:00. Qazaxıstan - Rusiya
21:00. San-Marino - Şotlandiya
23:45. Kipr - Belçika
Xal durumu: Kipr - 3, Qazaxıstan - 3, Belçika - 3, Rusiya - 0, Şotlandiya - 0, San Marino - 0.
