Gimnastımız beynəlxalq turnirdə bürünc medal qazandı

Gimnastımız beynəlxalq turnirdə bürünc medal qazandı
09:22 8 Aprel 2019
53 Ölkə
Ölkə mətbuatı
A- A+

Almaniyanın paytaxtı Berlində keçirilən idman gimnastikası üzrə ənənəvi "Junior Team Cup" adlı beynəlxalq turnirin qaliblərinin adları müəyyənləşib.

Milli.Az xəbər verir ki, Azərbaycan Gimnastika Federasiyasından Trend-ə verilən məlumata görə, 26 ölkədən 140 gənc gimnastın toplaşdığı turnirdə ölkəmizi təmsil edən, Yeniyetmələrin Olimpiya Oyunları 2018-in iştirakçısı Səməd Məmmədli həmyaşıdları arasında fərqlənərək, bürünc medala layiq görülüb. Gimnastımızın dəstəli atda çıxışını hakimlər 12.850 xalla dəyərləndirib. Səməd turnikdəki nümayişinə görə də final mərhələsinə yüksəlib və yekunda 11.550 xalla 6-cı olub.

Digər təmsilçimiz Rüstəm Əhməd isə öz yaş kateqoriyasında dəstəli atda finala vəsiqə qazanıb. Yekun mərhələdə gənc gimnastımız 12.200 xalla yarışı 4-cü yerdə bitirib.

Milli.Az


Xəbərin orijinal ünvanı: https://news.milli.az/country/745147.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR