Türkiyənin Xarici İşlər Nazirliyi ötəm gecə axşam saatlarında Moskvanın “Şeremetevo” hava limanında baş vermiş təyyarə qəzası ilə bağlı Rusiya xalqına başsağlığı ünvanlayıb.
ONA İhlas agentliyinə istinadla xəbər verir ki, başsağlığında deyilir:
“Moskva şəhərinin “Şeremetevo” hava limanında baş vermiş təyyarə qəzasında çox sayda sərnişinin həlak olması xəbərini böyük kədər hissi ilə qarşıladıq. Bu ağır faciə ilə bağlı Rusiya xalqının kədərinə şərik olur, həyatını itirənlərin ailə üzvlərinə səbir, yaralılara şəfa diləyirik”.
