Bakı, 11 may, AZƏRTAC
ABŞ-ın Ohayo ştatında baş verən atışma nəticəsində ən azı 1 nəfər ölüb, 4 nəfər yaralanıb.
AZƏRTAC xarici KİV-lərə istinadla xəbər verir ki, insident Klivlend şəhərində baş verib. Naməlum şəxs atəş açaraq 5 nəfəri yaralayıb. Zərərçəkənlər tibb mərkəzinə yerləşdiriliblər. Onlardan 3 nəfərin, o cümlədən hamilə qadının vəziyyətinin kritik olduğu bildirilir. Daha bir qadın qolundan yaralanıb, vəziyyəti stabildir. Yaralılardan biri xəstəxanada dünyasını dəyişib.
Hadisə ilə bağlı araşdırma aparılır. İnsidentin səbəbləri və atəş açanın şəxsiyyəti məlum deyil.
