Tbilisi, 13 may, AZƏRTAC
Avropa Yenidənqurma və İnkişaf Bankı (AYİB) Gürcüstanın Kvemo Kartli-Borçalı bölgəsində, azərbaycanlıların yığcam yaşadıqları Marneuli rayonu ərazisində bərk məişət tullantılarının toplanması və emalı zavodunun tikintisi üçün 7 milyon avro kredit ayıracaq.
İsveçin Beynəlxalq Əməkdaşlıq Agentliyi isə bu layihə üçün 3 milyon avro qrant ayıracaq.
AZƏRTAC AYİB-in rəsmi saytına istinadən xəbər verir ki, bununla əlaqədar kredit və qrant müqaviləsi imzalanıb.
Azərbaycanlıların yığcam yaşadıqları Marneuli, Bolnisi, Dmanisi, Tetritskaro və Tsalka rayonlarına xidmət edəcək bu zavod regionun iqtisadi inkişafına təkan verəcəkdir.
Xətayi Əzizov
AZƏRTAC-ın xüsusi müxbiri
Tbilisi