“Report” xəbər verir ki, qəzaya düşən avtomobil taksi fəaliyyəti ilə məşğul olurmuş. Qəzanın səbəbinə gəlincə, hava limanı yolunda hərəkətdə olan avtomobil idarəetməni itirib və yol kənarındakı dirəyə çırpılıb.
Qəza nəticəsində 1989-cu il təvəllüdlü Baxışəliyev Fərid Məharət oğlu, 2005-ci il təvəllüdlü Həsənov Mehdi Zaur oğlu, 1984-cü il təvəllüdlü Mehdiyev Rövşən Habil oğlu, 1999-cu il təvəllüdlü İsmayıl adlı şəxs yaralanıb.
Onlar təcili yardımın köməyi ilə xəstəxanaya çatdırılıblar.
B. Fəridə qapalı kəllə-beyin travması, bədənin müxtəlif nahiyələrinin cırılmış yarası, digər yaralılara isə kəllə-beyin travması diaqnozu qoyulub.
Faktla bağlı araşdırma aparılır.
***23:37. 07.10.2019
Bakıda ağır yol-nəqliyyat hadisəsi baş verib.
“Report” xəbər verir ki, hadisə Suraxanı rayonu, Bülbülə qəsəbəsində qeydə alınıb.
İlkin məlumata görə, hava limanı avtomobil yolunda iki nəqliyyat vasitəsinin toqquşması nəticəsində dörd nəfər xəsarət alıb.
Yaralılar təcili yardımın köməyi ilə xəstəxanaya çatdırılıb. Faktla bağlı araşdırma aparılır.
