Masaj zamanı dərinin qan dövranı və maddələr mübadiləsi yaxşılaşır, dəri dartılır, cavanlaşır, sağlam və təravətli çalarlıq alır.
Milli.Az medicina.az-a istinadən bildirir ki, üz masajı, üz dərisi hətta həssas olduqda da aparıla bilər. Masaj həkim-kosmetoloq tərəfindən üz dərisi qocalmağa başlayan qadınlara (30 yaşından sonra) təyin edilir. Masaj texnikasının düzgün şəkildə yerinə yetirilməməsi, dərinin qocalması prosesini gücləndirərək mövcud olan qırışları da artıra bilər.
Üz masajı üçün əks göstərişlər
-irinli səpgilər
-üz damarların genişlənməsi
-üzün tüklənməsi, yanıqlar
-çatlar
Dərinin cavanlığını qaytaran təsirli vasitələrdən biri də üz əzələləri üçün olan xüsusi gimnastik hərəkətlərdir. Onu da yalnız tələbat yarandığı halda yerinə yetirmək lazımdır.
Masaj hərəkətlərinə başlamazdan qabaq üz dərisini yaxşı təmizləmək lazımdır. Dəri çox qurudursa və hərəkətlərin yerinə yetirilməsi diskomfort yaradırsa, gimnastik hərəkətdən qabaq təmizlənmiş üzə az miqdarda krem və ya bitki yağı sürtmək olar. Hərəkətlər kompleksi başa çatdıqdan sonra dəri təkrar olaraq təmizlənməli və üzərinə qidalandırıcı krem və ya maska çəkilməlidir.
Masaj edərkən mütləq iri güzgü önündə dik oturmuş vəziyyətində olun.
Ağız və çənə nahiyələrinin möhkəmləndirilməsi və dodaq bucaqlarının qaldırılması üçün masaj:
- Hər iki əlinizin orta və adsız barmaqlarını çənə nahiyəsinin mərkəzindəki batıq sahayə qoyun. 3 saniyə ərzində bu yerdə saxladığınız barmaqlarınızla, getdikcə bir qədər artırmaqla, təzyiq edin. Sonra etdiyiniz təzyiqi saxlamaqla, barmaqlarınızla hər iki tərəfdən dodaq bucaqlarını dolanıb keçərək onları yuxarı dodaq üzərindəki mərkəzi batıq hissədə birləşdirin. Barmaqlarınızla 3 saniyə ərzində bu nöqtəni sıxın və sonra barmaqlarınızı birdən qaldıraraq təkrarən çənə nahiyəsinin mərkəzindəki batıq sahəyə qoyun. Bu hərəkəti 10-15 dəfə təkrar edin.
- Bu məşğələni yerinə yetirdikdən sonra üst dodağın burunaltı nahiyəsinə şəhadət və orta barmaqlarınızla 1-2 dəqiqə ərzində döymə hərəkətləri edin.
Burun-dodaq qırışlarının hamarlanması üçün masaj:
- Burun-dodaq qırışlarının yaranması əksər hallarda, üst və alt çənə dişlərini bir-birinə sıxmaq kimi "zərərli" vərdiş nəticəsində əmələ gəlir. Dişlərin bir-birinə sıxılması üzün gözəlliyinə qarşı olan ən zərərli vərdişlərdən biridir. Üst və alt çənə dişləri hər zaman bir-birindən aralı qalmalıdır. Bu zaman onlar arasındakı məsafə ən azı 2-3 mm olmalıdır. Burun-dodaq qırışlarının hamarlanması üçün aşağıdakı məşğələdən istifadə olunur.
Alın dərisinin hamarlanması
- Bir əlinizin ovucunu yastısına olmaqla alnınıza qoyun. Alnınıza bir qədər təzyiq edin. 10-15 dəfə kifayət qədər sürətli tempdə olmaqla qaşlarınızı qaldırın və salın. Bir necə saniyə müddətinə alnınızı sərbəstləşdirin. Sonra hərəkətləri yenə 2-ci dəfə təkrar edin.
- Hər iki əlinizin şəhadət, orta və adsız barmaqlarını kip şəkildə alının orta hissəsinə sıxın. 3-ə qədər sayaraq barmaqlarınızı yüngülcə alnınıza sıxaraq gicgahlara tərəf dartın. Bu hərəkətləri 5 dəfə etdikdən sonra 10 saniyə dincəlin, sonra bir daha təkrar edin.
Milli.Az
