Azərbaycan əraziləri qaytarmaq üçün tezliklə ... – Petrosyan Paşinyanın gizlətdiklərini AÇIQLADI

Azərbaycan əraziləri qaytarmaq üçün tezliklə ... – Petrosyan Paşinyanın gizlətdiklərini AÇIQLADI
14:28 5 Noyabr 2019
63 Digər
Ölkə mətbuatı
A- A+

“Bu gün müdafiə sənayesi Ermənistanın ən zəif yeridir və bu sahədə ciddi boşluqlar mövcuddur”.

Publika.az
xəbər verir ki, bu barədə erməni hərbi ekspert Qraç Petrosyan deyib.

Onun sözlərinə görə, Ermənistanın müdafiə sənayesi yoxdur: “Lakin bu haqda danışmaq istəmirlər və daim hərbi sirr olduğunu vurğulamaqla ictimaiyyətdən gizlədirlər. Əgər hansısa Rusiya şirkəti gəlib Ermənistanda Kalaşnikov avtomatları istehsal edirsə, bu, bizim hərbi sənayemiz deyil. Bizdə zavodlar var, hansı ki, avadanlıqların təmirini həyata keçirir. Sovet vaxtlarında mövcud olan zavodlar da sıradan çıxıb. Ordu üçün heç bir ciddi istehsal yoxdur”.

Erməni hərbi ekspert Azərbaycanı nümunə göstərib.

“Azərbaycanın müdafiə sənayesi güclənir, həmçinin, Türkiyə ilə birgə hərbi zavodları var. İsraildən, Rusiyadan və digər ölkələrdən müasir slahlar alırlar. Onlar beynəlxalq sərgilərdə öz istehsalları olan bir neçə yüz növ hərbi avadanlıqlarını sərgiləyirlər. O haqda düşünməliyik ki, Azərbaycanın müdafiə sənayesinin inkişafı fonunda biz nə edirik?!”, - deyə o bildirib.

Q.Petrosyan qeyd edib ki, Azərbaycan mümkün qədər qısa müddətdə əraziləri qaytarmaq üçün çalışır və hərbi xərclərin artırılmasından tutmuş, müdafiə sənayesinin inkişafına qədər bir sıra istiqamətlərdə atılan addımlar buna hesablanıb.

Asif



Xəbərin orijinal ünvanı: https://publika.az/news/nida_tehlil/295183.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR