Bakı. Trend:
Dünyanın ən varlı şəxslərinin siyahısında dəyişiklik olub.
Trend-in məlumatına görə, reytinqi tərtib edən "Forbes"də ikinci yerdə qərarlaşan "Microsoft"un təsisçisi Bill Qeyts var-dövləti ilə bir pillə geriləyərək 3-cü yerdə qərarlaşıb. İkinci yerə isə moda ticarəti üzrə LVMH (Louis Vuitton Moet Hennessy) korporasiyasının rəhbəri 70 yaşlı Bernar Arno qərarlaşıb. Onun və ailəsinin var-dövləti 107 milyard dollar hesablanıb.
"Forbes"in reytinqinə əsasən 1-ci yerin sahibi dəyişməyib. Belə ki, bu yeri "Amazon" şirkətinin rəhbəri Ceff Bezos tutur. Onun var-dövləti isə 112,4 milyard dollar təşkil edir.
Trend-in ən mühüm və maraqlı xəbərlərini "Telegram"da izləyin
