Bakı. Ceyhun Ələkbərov - Trend:
Ötən gecə Bakıda baş verən yol qəzasında 3 avtomobil toqquşub.
Trend-in məlumatına görə, yol-nəqliyyat hadisəsi Ziya Bünyadov prospektində qeydə alınıb.
Adıçəkilən prospektin Nəcəf Nərimanov küçəsi ilə kəsişməsində (20 yanvar dairəsi istiqamətində) baş verən qəzada 3 avtomobil toqquşub, nəticədə 5 nəfər müxtəlif dərəcəli xəsarətlər alaraq xəstəxanaya çatdırılıblar.
1 saylı Kliniki Tibbi Mərkəzə yerləşdirilən şəxslərdən 2-si ambulator müalicəyə yola salınıb. Stasionar müalicə alan şəxslərdən 1994-cü il təvllüdlü Quliyev Teymur Tofiq oğlu travmatologiya, 35 yaşlı Marina və 25 yaşlı Aleksandr isə reanimasiya şöbəsindədirlər.
Trend-in ən mühüm və maraqlı xəbərlərini "Telegram"da izləyin
