Dekabrın 7-də Bərdə rayonunun Güloğlular kəndi ərazisində yerləşən bazardakı mağazalardan birinə gəlmiş şəhər sakini, ruhi xəstə R.Abbasov mağaza sahibini kəsici alətlə hədələyib.
Milli.Az qafqazinfo-ya istinadən xəbər verir ki, o, mağaza sahibinin 15 manat pulunu alıb.
Hədə-qorxu ilə tələb etməkdə şübhəli bilinən R.Abbasov saxlanılıb. Araşdırmalarla onun həmin gün qeyd edilən bazarda digər mağaza sahibini də eyni üsulla hədələyərək pul tələb etməsi də müəyyən edilib.
Araşdırma aparılır.
Milli.Az
