Türkiyənin Elazığ vilayətində baş verən zəlzələ nəticəsində ölənlərin sayı 31 nəfərə çatıb.
Milli.Az Trend-ə istinadən xəbər verir ki, bu barədə Türkiyənin Fövqəladə Hallar Agentliyi (AFAD) bildirib.
Məlumata əsasən, zəlzələ nəticəsində 1547 nəfər xəsarət alıb.
Zəlzələ nəticəsində 30 bina dağılıb, daha 81-nə ciddi ziyan dəyib.
Qeyd edək ki, ötən gün Türkiyənin Elazığ rayonunun Sivricə əyalətində 6.8 bal gücündə zəlzələ baş verib. Zəlzələ yerli vaxtla saat 20:55-də qeydə alınıb.
Təbii fəlakət nəticəsində 20-dən çox insan həlak olub, 1500-ə yaxın şəxs yaralanıb.
Ölənlər arasında azərbaycanlı yoxdur.
Milli.Az
