Kanadada koronavirusa yoluxanların sayı 15 822 nəfərə yüksəlib.
“Report” xəbər verir ki, bu barədə Kanadanın Səhiyyə nazirliyi məlumat yayıb. Qeyd olunub ki, ölkədə 293 nəfər koronavirusun qurbanı olub.
Ən çox infeksiyaya yoluxma Kvebek (7 944) və Ontario (4 347) əyalətlərində qeydə alınıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 203 ölkə və bölgədə qeydə alınıb.