Bazar iqtisadiyyatında tələb-təklif amilləri qiyməti müəyyənləşdirir. Hazırda bu amilə görə maskaların qiymətinin qalxması ehtimalı var.
Publika.az xəbər verir ki, bunu Nazirlər Kabinetinin mətbuat katibi İbrahim Məmmədov deyib: "Dövlət qiymətlərə nəzarət edir. Maskaların qiyməti optimal həddə qalacaq. Bunun ən yaxşı yolu istehsalı artırmaqdır. Hazırda maska istehsalı müəssisəsinin günlük idxalı 200 mindir. Bu gün apteklərə 450 min maska paylanılır. Xüsusi karantin rejimi insanlara evdə qalmaq tələbi qoyur. Məsuliyyət təkcə dövlətin üzərində deyil. Vətəndaş olmağın özü də siyasi məsuliyyətdir".
