İranda “Covid-19”dan ölənlərin sayının artmasına baxmayaraq, koronavirusla bağlı tətbiq edilən bəzi qadağalar ləğv edilib.
Publika.az xəbər verir ki, prezident Həsən Ruhaninin təlimatıyla kütləvi işçisi olmayan müəssisələrin fəaliyyətinə icazə verilib. Müəssisə rəhbərlərinə tibbi tələblərə əməl etmək tapşırığı verilib. Paytaxt Tehrandakı müəssisələrin fəaliyyəti isə aprelin 18-də bərpa ediləcək. Ticarət mərkəzləri, restoranlar, saunalar və gözəllik salonlarının fəaliyyətinə isə hələlik icazə verilməyib.
Qeyd edək ki, müəssisələrin fəaliyyətinin bərpasını birmənalı qarşılamayn millət vəkilləri, prezidentdən dəfələrlə karantin rejiminin sərtləşdirilməsi ilə bağlı addımların atılmasını tələb etmişdi.
Anar Türkeş
