ABŞ süni ağciyər ventilyasiya aparatlarının təmin edilməsi də daxil olmaqla, COVID-19-un yayılmasına qarşı mübarizədə İrana kömək etməyə hazırdır.
Publika.az xəbər verir ki, bunu ABŞ Prezidenti Donald Tramp Ağ Evdə keçirdiyi mətbuat konfransında deyib.
“İranın koronavirusla mübarizədə köməyə ehtiyacı varsa, istəsələr, xahiş etsələr bir şey etməyə hazır olardım. Ağciyər ventilyasiya aparatlarına ehtiyacları varsa, indi əlimizdə minlərlə aparatlar var, həmçinin istehsal prosesində olan cihazlarımız da mövcuddur. Şübhəsiz ki, kömək etməyə hazır olardıq” deyə, Vaşinqton administrasiyasının rəhbəri bildirib.
