"Taliban" silahlılarının Əfqanıstanın şimal-şərqində yerləşən Tahar əyalətinin Hocaigər rayonunda hərbi hissəyə hücumu nəticəsində 17 əsgər ölüb, 2-si yaralanıb.
“Report” “Mehr”ə istinadən xəbər verir ki, məlumatı Əfqanıstanın Müdafiə Nazirliyi yayıb.
Açıqlamada Hocaigər rayonunun Təpəhavaşinasi bölgəsindəki döyüş nəticəsində taliblərin ağır itkilərə məruz qaldığı bildirilib.
"Taliban" hələlik hadisə ilə bağlı məlumat yaymayıb.