Türkiyədə son sutka ərzində 16 nəfər koronavirus (COVID-19) infeksiyasından dünyasını dəyişib.
Metbuat.az xəbər verir ki, bu barədə ölkənin Səhiyyə naziri Fahrettin Koca bildirib.
Nazirin sözlərinə görə, daha 1172 yeni yoluxma faktı qeydə alınıb. Bununla pandemiya qurbanlarının sayı 5829, virusa yoluxanlar isə 239 min 622 nəfərə çatıb.
Türkiyədə indiyədək 222 min 656 pasiyent (son sutkada 1082 nəfər) sağalaraq evə buraxılıb.
