Tokio Olimpiya komitəsinin yüksək rütbəli rəsmisi Yaşusi Moriya özünü qatarın altına ataraq intihar edib.
Metbuat.az xəbər verir ki, polis 52 yaşlı şəxsin ölümü ilə bağlı ətraflı araşdırmalara başlayıb. Məlumata görə, intihar polislərin irəli sürdüyü ilkin ehtimaldır. Hadisənin dəqiq səbəbləri araşdırmalardan sonra məlum olacaq.
Qeyd edək ki, 2020 Tokio Yay Olimpiya oyunlarının başlamasına 46 gün qalıb. Pandemiya ilə əlaqədar bəzi dairələr oyunların təxirə salınmasını tələb edir.
