İtaliyanın Turin şəhərində Azərbaycan təmsilçisi Nadir Rüstəmlinin çıxış etdiyi 66-cı "Avroviziya-2022" Beynəlxalq Mahnı Müsabiqəsinin ikinci yarımfinalı keçirilib.
Metbuat.az xəbər verir ki, müsabiqənin 2-ci yarımfinalında 18 ölkənin təmsilçiləri yarışıb.
Azərbaycanı bu müsabiqədə təmsil edən Nadir Rüstəmli "Fade To Black" adlı mahnı ilə çıxış edib.
Səsvermədən sonra ilk onluğa daxil olan Azərbaycan mayın 14-də keçiriləcək finalda mübarizə aparmağa haqq qazanıb.
Həmçinin, Belçika, Çexiya, Finlandiya, Estoniya, Avstraliya, Polşa, İsveç, Rumıniya və Serbiya finala vəsiqə qazanıblar.
