Azərbaycanda "Sevgililər günü" qana döndü -

Oğuz sakininin arvadını baltalaması, özünün intihara cəhd etməsi ilə bağlı cinayət işi başlanılıb.

Metbuat.az-a rayon prokurorluğundan bildirilib ki, fevralın 14-ü saat 18 radələrində Oğuz rayonu ərazisində 1966-cı il təvəllüdlü Sevinc Rəhimovanın xəsarət alması barədə rayon prokurorluğuna məlumat daxil olub.

Aparılmış araşdırma zamanı 1962-ci il təvəllüdlü Nazim Rəhimovun balta ilə arvadı Sevinc Rəhimovanın baş nahiyəsinə xəsarət yetirərək onu öldürməyə cəhd etməsi, daha sonra isə özünə xəsarət yetirməsinə əsaslı şübhələr müəyyən edilib.

Oğuz rayon prokurorluğunda Cinayət Məcəlləsinin 29,120.1 (qəsdən adam öldürməyə cəhd) və 125-ci (özünü öldürmə həddinə çatdırma) maddələri ilə cinayət işi başlanıb.

İbtidai istintaq davam etdirilir.


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR