Sudanda ordu ilə xüsusi təyinatlılar arasında silahlı qarşıdurma başlayandan bəri 400-dən çox dinc sakin ölüb, 2000-dən çox insan yaralanıb.
Metbuat.az Əl Ərəbiyyə telekanalına istinadən xəbər verir ki, bu məlumatı Sudan həkimlərinin həmkarlar ittifaqı da təsdiqləyib.
Məlumata görə, toqquşma bölgələrində yerləşən 86 xəstəxanadan 61-i tamamilə yararsız vəziyyətə düşüb.
Xatırladaq ki, toqquşmalar aprelin 15-də Sudanın paytaxtı Xartumda və ölkənin şimalında yerləşən Merow hərbi bazası yaxınlığında başlayıb.
