"Sabah"ın baş məşqçisi olmasaydım, Azərbaycan millisində işləmək mənim üçün böyük şərəf olardı".
Metbuat.az xəbər verir ki, bunu "Sabah"ın baş məşqçisi Murad Musayev deyib.
Rusiyalı mütəxəssis hazırda paytaxt təmsilçisinin "sükanı arxasında" olduğunu bildirib: "Bütün fikrim bu klubdadır. Azərbaycanda çox yaxşı futbolçular var və milli çox yaxşı futbol sərgiləyə bilir. Onlara da gələcəkdə uğurlar arzulayıram".
Musayev həm yığmada, həm də klubda işləmək ehtimalına da toxunub: "Təklif olarsa, müzakirə edə bilərik. Amma indi ortada heç nə yoxdur, heç danışıq da olmayıb. Bütün düşüncələrim "Sabah"la bağlıdır".
