2023-cü ilin yanvar-noyabr aylarında Azərbaycana 104 milyon 738 min dollar dəyərində diri heyvan idxal edilib.
Metbuat.az-ın Dövlət Gömrük Komitəsinin hesabatı əsasında apardığı hesablamalara görə, bu göstəricinin həcmi ötən ilin müvafiq dövrü ilə müqayisədə 55% və ya 37 milyon 196 min dollar artıb. Belə ki, 2022-ci ilin ilk 11 ayında Azərbaycana 67 milyon 542 min dollar dəyərində diri heyvan idxal edilib.
Xatırladaq ki, hesabat dövründə ölkəyə gətirilmiş diri heyvanların dəyəri ümumi idxalın 0.52% təşkil edib.
Bu dövrdə Azərbaycandan ixrac edilən diri heyvanların dəyəri isə ötən ilin müvafiq dövrü ilə müqayisədə 17.2% azalaraq 588 min dollar təşkil edib.
Qeyd edək ki, ölkəyə gətirilən diri heyvanların əsas hissəsi Gürcüstan və Rusiya bazarlarından idxal edilir.
