"Azərbaycan Dəmir Yolları" (ADY) Qapalı Səhmdar Cəmiyyətinin Biləcəri Texniki Xidmət Məntəqəsində yanğın olub.
Metbuat.az-ın məlumatına görə, yanğın məntəqənin dam örtüyündə baş verib. ADY-dən verilən məlumatda bildirilir ki, yanğının qarşısı alınıb:
"Bu gün səhər saat 10:35 radələrində Biləcəri Texniki Xidmət Məntəqəsinin dam örtüyündə tüstülənmə hadisəsi baş verib. ADY-nin yanğınsöndürmə qatarı və FHN-nin Yanğından Mühafizə Xidmətinin yanğınsöndürənləri dərhal hadisə yerinə cəlb edilib. Operativ tədbirlər nəticəsində tüstülənmənin qarşısı alınıb. Hadisə nəticəsində xəsarət alan olmayıb".
