"Paşinyan hakimiyyətə gəldiyi gündən etibarən çalışır ki, Rusiyadan uzaqlaşsın. Ermənistanı Rusiyaya məxsus olan bloklardan, iqtisadi-siyasi hərbi birliklərdən, xüsusilə KTMT-dən çıxarsın".
Bu sözləri Metbuat.az-a açıqlamasında politoloq Turab Rzayev deyib. O bildirib ki, Ermənistanın istəyi Qərbə inteqrasiya etmək və Rusiyanın Ermənistan ərazisindəki hərbi bazasını ləğv etməsidir:
"Ermənistan hava və quru sərhədlərini Rusiyanın nəzarətindən çıxarmaq istəyir. Rusiya isə Ermənistana müqavimət göstərir. Ermənistanı məcbur edir ki, KTMT təlimlərində iştirak etsin və KTMT-nin iclasını Ermənistanda keçirsin. Həmçinin Zəngəzur dəhlizində məhz rus hərbiçiləri olsun".
Politoloq qeyd edib ki, Ermənistanın Rusiyaya müqavimət göstərmək imkanı zəifdir:
"Çünki, Ermənistan bütün silahları Rusiyadan alır. Ermənistanın bütün infrastruktur, dəmir yolu xətləri Rusiyanın nəzarətindədir. İrəvan Rusiyadan iqtisadi olaraq çox asılıdır. Bütün bunları birdən-birə itirmək təbii ki, Ermənistan üçün çətin olacaq.
Digər tərəfdən Rusiya da Paşinyanın bu açıqlamalarına çox qısqanc yanaşır. Dəfələrlə onu 3-cü Zelenski olmaqda ittiham edib. Rusiya da açıq şəkildə mesaj verdi ki, onlar üçün Ukrayna ssenarisini təkrarlamaq problem deyil. Bununla da, Rusiya Ermənistanı qorxudur".
Seyranə Quliyeva / Metbuat.az
