Azərbaycanlı futbolsevərlər yerli klublarda “Qalatasaray”, “Fənərbaxça” kimi komandaları çalışdırmış türk məşqçiləri görmək istəyirlər.
Metbuat.az xəbər verir ki, “Səbail” klubunun türkiyəli məşqçisi Sebahattin Tekin türk mediasına belə açıqlama verib. İki mövsümdür "Səbail"də çalışan türkiyəli baş məşqçi Sebahattin Tekin, Fatih Terim və İsmail Kartalın adının Azərbaycan klubları ilə hallanmasından danışıb. Azərbaycanda gözəl futbol ab-havasının olduğunu bildirən Tekin bildirib ki, Azərbaycanın həm klubları, həm də milli komandası günü-gündən yaxşı oyun nümayiş etdirir:
“Mətbuatda xəbərlər çıxan kimi buradakı dostlarım, futbol dünyasının peşəkarları və futbolsevərlər dərhal məndən “Qalatasaray”, “Fənərbaxça” kimi komandaları çalışdırmış türk məşqçini soruşurlar. Hamının illərdir izlədiyi və rəğbət bəslədiyi Avropada uğur qazanan məşqçiləri yerli klublarda istəyirlər. Baş məşqçilər burada çalışsalar, bu sevgini və dəstəyi tam şəkildə hiss edəcəklər” .
