İspaniyanın şərq və cənub bölgələrini, xüsusilə də Valensiya bölgəsini cənginə alan daşqınlarda ölənlərin sayı 150-ni ötüb.
Metbuat.az xəbər verir ki, ölüm hadisələrinin əksəriyyətinin Valensiyada olduğunu açıqlanıb. Yerli dairələrin məlumatına görə, təbii fəlakət nəticəsində çox sayda itkin düşüb. Müdafiə Nazirliyi hazırda təbii fəlakət bölgəsində axtarış-xilasetmə işlərində 1064 əsgərin çalışdığını açıqlayıb.
İspaniya Dövlət Meteorologiya İnstitutu Valensiya bölgəsindəki daşqınları əsrin fəlakəti adlandırıb. Bildirilib ki, bölgəyə bir il ərzində yağan yağışlar 8 saat ərzində yağıb. Valensiyaya gedən Baş nazir Pedro Sançes dövlətin bütün imkanlarının səfərbər edildiyini, prioritetlərinin axtarış-xilasetmə işləri olduğunu bildirib.
