Bu gün Misli Premyer Liqasının XII turunda "Qarabağ" səfərdə "Turan Tovuz"la qarşılaşacaq.
Metbuat.az xəbər verir ki, matç saat 18:30-da Tovuz şəhər stadionunda başlayacaq görüşün baş hakimi FIFA referisi Əliyar Ağayevdir. Rəqibindən bir oyun az keçirən Ağdam təmsilçisi 27 xalla liderdir. Meydan sahibləri isə 24 xalla ikinci yerdə qərarlaşıb.
Günün digər qarşılaşmasında isə "Neftçi" öz meydanında "Araz-Naxçıvan"ı qəbul edəcək. Oyun saat 20:30-da "Neftçi Arena"da start götürəcək. Baş hakim Rəşad Əhmədov olacaq. Naxçıvan təmsilçisi 21 xalla üçüncü, "Neftçi" isə 9 xalla səkkizinci pillədədir.
Misli Premyer Liqası, II dövrə, XII tur
1 noyabr
18:30 – "Turan Tovuz" – "Qarabağ"
Hakimlər: Əliyar Ağayev, Zeynal Zeynalov, Akif Əmirəli, Əli Əliyev
VAR: Nicat İsmayıllı
AVAR: Elşad Abdullayev
Hakim-inspektor: Anar Salmanov
AFFA nümayəndəsi: Azər Əsgərov
Tovuz şəhər stadionu
20:30 – "Neftçi" – "Araz-Naxçıvan"
Hakimlər: Rəşad Əhmədov, Kamran Bayramov, Müslüm Əliyev, Elvin Bayramov
VAR: Fərid Hacıyev
AVAR: Asiman Əzizli
Hakim-inspektor: Ömər Paşayev
AFFA nümayəndəsi: Bəhram Qurbanov
"Neftçi Arena"
Qeyd edək ki, XII turun digər oyunları noyabrın 2-3-də baş tutacaq.
