Bakı, 21 yanvar, AzərTAc
Bakının qadınlardan ibarət “Lokomotiv” voleybol komandası Avropa Voleybol Konfederasiyası (CEV) kuboku yarışlarında növbəti oyununu keçirib.
AzərTAc xəbər verir ki, turnirin dörddəbir final mərhələsinin cavab oyunları çərçivəsində “Lokomotiv” səfərdə “Dinamo” (Krasnodar) kollektivinin qonağı olub.
Görüş 3:0 hesabı ilə Rusiya təmsilçisinin xeyrinə başa çatıb. Komandalar arasında Bakıda təşkil olunan ilk oyun isə “Lokomotiv”in xeyrinə eyni hesab ilə yekunlaşmışdı.
Qalibi müəyyənləşdirmək üçün “Qızıl set” oynanılıb. Gərgin idman mübarizəsi şəraitində keçən setdə “Dinamo” 15:13 hesabı ilə qalib gəlib. Beləliklə, “Lokomotiv” komandası CEV kuboku yarışlarında iştirakını dayandırıb.