Tayfur Əliyev: Qələbə qazanmağımda azarkeşlərin dəstəyi mənə stimul oldu

Tayfur Əliyev: Qələbə qazanmağımda azarkeşlərin dəstəyi mənə stimul oldu
20:38 19 İyun 2015
154 İdman
Ölkə mətbuatı
A- A+


Bakı, 19 iyun, A.Yadigarov, S.Allahverdiyeva, AZƏRTAC
Zalda əyləşən azarkeşlərin dəstəyi məni daha da ruhlandırdı. Bu, rəqib üzərində qələbə qazanmaq üçün böyük stimul oldu. İnamla döyüşdüm və qalib gəldim.
AZƏRTAC xəbər verir ki, bu sözləri “Bakı-2015” ilk Avropa Oyunlarının səkkizdəbir final mərhələsində qələbə qazanan Azərbaycan boksçusu Tayfur Əliyev deyib.
56 kiloqram çəki dərəcəsində mübarizə aparan təmsilçimiz rəqibinə şans vermədiyini qeyd edərək deyib: “Rəqib gördü ki, qaşımdan zədə almışam. Ona görə istədi ki, hakimlərə təsir etsin. Belə hallar boksda tez-tez baş verir. Ancaq mən buna imkan vermədim. Rəqiblərimin çoxunu tanıyıram. Ən güclü rəqibim Fransa təmsilçisidir. Ancaq onu da “Böyük İpək Yolu” turnirində məğlub etmişəm".
Tayfur Əliyev yarışda bütün gücü ilə döyüşərək qızıl medal qazanmağa çalışacağını bildirərək qeyd edib: “İstəyirəm ki, qızıl medal qazanım və finalda da azarkeşlər məni belə dəstəkləsinlər. Azərbaycan güclü heyətlə çıxış edir və komandamızın bütün üzvlərindən medal gözləmək olar”.

Xəbərin orijinal ünvanı: http://azertag.az/xeber/Tayfur_Aliyev_Qelebe_qazanmagimda_azarkeslerin_desteyi_mene_stimul_oldu-865445

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR