Ötən gündən etibarən Gürcüstanın şərqində yağan yağış və qasırğa bölgədə ciddi fəsadlara yol açıb.
ANS PRESS-in məlumatına görə, güclü yağan yağış və qasırğa nəticəsində Marnuelidə bir sira binalara zərər dəyib. Qasırğanın gücü ilə ağaclar evlərin damına aşıb, elektrik xətləri qırılaraq sıradan çıxıb. Bəzi aşan dirəklər isə vətəndaşların avtomobillərinə ziyan vurub.
Güclü külək və leysan yağışının Gürcüstanın şərqində, xüsusi ilə Marneuli rayonunda müşahidə olunduğu, Tsereteli, Tamarisi və Kiziladjlo kəndlərinin zərər gördüyü bildirilir.
Marneuli rayonunun icra başçısının müavini Temur Beridze isə uzun illərdir regionda belə bir yağış və qasırğanın şahidi olmadığını deyib.
