Bunu ANS PRESS-ə “Eurovision - 2011”-in qalibi Nigar Camal deyib.
O, həmçinin gələcək planları haqqında məlumat verib. Nigar Camal hazırda Türkiyədə yeni mahnısına klip çəkilişlərinin davam etdiyini bildirib.
Əməkdar artist Tünzalə Ağayeva da birinci Avropa Oyunları haqqında fikirlərini ANS PRESS-ə bölüşüb.
Şadam ki Azərbaycanın tarixi əhəmiyyətli hadisəsində bir töhfəmiz oldu. Mən bir vətəndaş olaraq prezidentimiz və xanımı başda olmaqla hər kəsə böyük təşəkkürümü bildirirəm. Sadəcə idman yarışları deyil, biz mədəniyyətləri bir araya gətirə bildik və dünya idman tarixinə bir yenilik gətirdik”.
Bəzi qüvvələrin bu oyunlara nalayiq ləkələr gətirmək istəklərinin baş tutmamasını qeyd edərək o bununla qürur duyduğunu bildirib: "Biz sadəcə özümüz olduq və mövcud olan uğurlu bir layihə ilə göstərdik ki, Azərbaycan buna qadirdir."
O medianın əməyini bu Oyunlarda yüksək qiymətləndirdiyini və hər kəsin könüllü olduğunu qeyd edib: “Mən hər kəsi və bizim himnimizi oxutduran, bayrağımızı yüksəyə qaldıran atletlərimizi ürəkdən təbrik edirəm. Medal qazana bilməyən atletlərin isə bu oyunlar onların həyatlarının ən böyük təcrübələrindən biridir və növbəti oyunlara ciddi bir vəsiqə qazanıblar".
Tünzalə Ağayeva avqustun sonunda “Sən tanımadığım doğmamsan" adlı yeni bir mahnı yazdıracağını deyib. Həmçinin səfərlər və layihələrlə bağlı payızda bir neçe yeniliklərin olacağını və xaricdə yeni singlların çıxacağını bildirib.
