Türkiyədə Ədalət və İnkişaf Partiyası (AKP) bölgə nümayəndəliyinin binasına hücum təşkil edilib.
ANS PRESS-in məlumatına görə, Türkiyənin Tunceli vilayəti Pertek rayonunda AKP-nin rayon nümayəndəliyinin binasına ötən gün gecə saatlarında üzü maskalı naməlum qrup molotovla hücum edib.
Eyni zamanda, digər bir səmtdə yerləşən çay evinə və 2 restorana da molotov atılıb. Güman edilir ki, hücumları həyata keçirənlər eyni qrupun üzvləridir.
Hücumlar zamanı Pertek bələdiyyə binası, AKP rayon təşkilatı binası və 5 başqa binaya zərər dəyib.
Əraziyə polis qrupları cəlb edilib. Hücumun kimlərin törətdiyi yönündə araşdırmalara başlanılıb.
MənbəANS PRESS
