Tərtər, 25 yanvar, AzərTAc
Ötən il Tərtər rayonunda fərdi sahibkarlara lizinq yolu ilə 195 baş damazlıq heyvan satılıb.
Rayon icra hakimiyyətindən AzərTAc-a bildiriblər ki, heyvandarlıq məhsulları istehsalının intensiv artımına zəmin yaradan cins maldarlığın inkişafı üçün heyvanlar süni yolla mayalandırılır. 2014-cü ildə rayon üzrə 1220 baş inək və düyə süni yolla mayalandırılıb, 695 baş sağlam cins buzov alınıb.
Bundan başqa, sahibkarlara lizinq yolu ilə güzəştli şərtlərlə yüksək məhsuldar damazlıq heyvanların satışı da həyata keçirilir. İl ərzində fərdi sahibkarlara satılan 195 baş damazlıq heyvan 187 baş bala verib.