Bakı. Fərid Mirzəyev – APA. 2013-2014-cü tədris ilində rezidentura təhsilini bitirib yekun attestasiyadan müvəffəqiyyətlə keçmiş həkim-mütəxəssislərə rezidentura təhsili diplomları təqdim olunacaq. Bu barədə APA-ya Səhiyyə Nazirliyinin mətbuat xidmətindən məlumat verilib.
Azərbaycan Tibb Universitetinin rezident məzunları diplomlarını əldə etmək üçün 26-30 yanvar tarixlərində kitabxanadan akademik borcun olmaması haqqında arayışı təqdim etməlidirlər. Digər klinik bazaların rezident məzunları isə 2-6 fevral tarixlərində saat 10.00-dan 13.00-dək Bakıxanov küçəsi 23 ünvanında yerləşən Azərbaycan Tibb Universitetinin rezidentura şöbəsinə (3-cü mərtəbə) müraciət etməlidirlər.
Diplomu götürmək üçün şəxsiyyət vəsiqəsi təqdim olunmalıdır. Diplomlarını almaq istəyənlər (012) 597-44-83 nömrəsi ilə əlaqə saxlaya bilərlər.