[ 07 Sentyabr 2015 11:04 ]
Bakı. Şəhriyar Əlizadə - APA. Bakıda soyğunçuluqda şübhəli bilinən şəxslər tutulub.
Bakı şəhər Baş Polis İdarəsindən APA-ya verilən məlumata görə, Suraxanı Rayon Polis İdarəsi Cinayət-Axtarış Şöbəsi və 31-ci Polis Bölməsi əməkdaşlarının birgə keçirdikləri əməliyyat-axtarış tədbirləri nəticəsində, sentyabrın 2-də saat 15 radələrində Əmircan qəsəbəsində 2000-ci il təvəllüdlü Sultan Sultanlının mobil telefonunu soyğunçuluq yolu ilə talamaqda şübhəli bilinən Bakı şəhər sakini, əvvəllər məhkum olunan, 1997-ci il təvəllüdlü Emil İslan oğlu İsmayılov tutulub.
Qaradağ Rayon Polis İdarəsi 11-ci Polis Bölməsinin əməkdaşlarının keçirdikləri əməliyyat-axtarış tədbirləri nəticəsində isə sentyabrın 5-də saat 09 radələrində Qobustan qəsəbəsi ərazisində qəsəbə sakini, 1929-cu il təvəllüdlü Zülfəli Abbasovun cibindən 15 manat pulunu soyğunçuluq yolu ilə talamaqda şübhəli bilinən Qobustan qəsəbə sakini, 1977-ci il təvəllüdlü Vüqar Əmir oğlu Xudaquliyev tutulub.
Hər bir faktla bağlı araşdırma aparılır.
