Məlumata görə, oktyabrın 26-i saat 15.00-da Azərbaycan Bəstəkarlar İttifaqında "Vasif Adıgözəlov- 80" Elmi konfrans və kamera konserti, oktyabrın 27-i saat 15:00-da Azərbaycan Milli Konservatoriyasında "Vasif Adıgözəlovun yaradıcılıq irsi", oktyabrın 28-i saat 19:00-da Beynəlxalq Muğam Mərkəzində "Vasif Adıgözəlovun mahnı çələngi", oktyabrın 29-u saat 15:00-da Ü.Hacıbəyli adına Bakı Musiqi Akademiyasında "Vasif Adıgözəlova ithaf", oktyabrın 30-u saat 19:00-da Azərbaycan Dövlət Filarmoniyasında Vasif Adıgözəlovun 80 illiyinə həsr olunan yubiley gecəsi, oktyabrın 31-i saat 19.00 Azərbaycan Dövlət Akademik Opera və Balet Teatrında Vasif Adıgözəlovun 3 hissəli "Natəvan" operasının göstərilməsi planlaşdırılır.
Qeyd edək ki, fevral ayının 11-də Vasif Adıgözəlovun 80 illik yubileyinin keçirilməsi haqqında Prezidentin Sərəncam imzalayıb. Sərəncamın icrasının təmin edilməsi məqsədilə Mədəniyyət və Turizm Nazirliyi Tədbirlər planı təsdiq edib. Tədbirlər planına əsasən oktyabr 26-31-i bəstəkara həsr olunan musiqi festivalının keçirilməsi nəzərdə tutulub.
