Azərbaycan, Bakı, 2 noyabr /Trend, müxbir Elmir Murad/
"Azərbaycanda keçirilmiş parlament seçkiləri çox yüksək səviyyədə baş tutub".
Trend-in məlumatına görə, bunu bu gün keçirilən mətbuat konfransında "Parlament 2015" Seçki Monitorinq Koalisiyasının parlament seçkiləri ilə bağlı hesabatını açıqlayarkən koalisiyanın koordinatoru Rufiz Qonaqov deyib.
R.Qonaqovun sözlərinə görə, seçkilər çox uğurlu keçib: "Müşahidə apardığımız məntəqələrdə ciddi nöqsanlar qeydə alınmayıb. Ümumilikdə, çox cüzi nöqsanlar olub. Bunlar protokollaşdırılıb və MSK-ya təqdim olunacaq".
Məqalə müəllifi ilə əlaqə ünvanı: agency@trend.az
Bizi Twitter-dən izləyin: @trend_az
