Tatarların sürgünü soyqırım kimi tanındı

Tatarların sürgünü soyqırım kimi tanındı
21:57 12 Noyabr 2015
27 Digər
Ölkə mətbuatı
A- A+

Ukrayna parlamenti Krım tatarlarının 1944-cü ildə kütləvi sürgününün soyqırım olması barədə qətnamə qəbul edib.

Noyabrın 12-də qəbul edilən sənəddə həmçinin mayın 18-də Ukraynada sürgün qurbanların xatirəsi günü kimi qeyd edilməsi nəzərdə tutulur.

Milli.Az azadliq.org-a istinadən bildirir ki, Krım tatarları uzun illər bu sürgünün soyqırım kimi qəbul edilməsi ilə bağlı Ukrayna hakimiyyətinə təzyiq edirdilər.

Keçmiş Sovet lideri Stalin 1944-cü il mayın 18-də yerli xalq olan Krım tatarlarını kütləvi Orta Asiya və Sibirə sürgün edib.

Stalin rejimi hesab edirdi ki, onlar İkinci Dünya müharibəsi zamanı guya Nasist Almaniyası ilə əməkdaşlq edirmişlər.

Həmin illərdə 180 mindən çox Krım tatarı sürgün edilib.

Ukrayna hakimiyyəti 1980-ci illərdə onların vətənə dönməsinə icazə verib.

Krım tatarlarının əksəriyyəti yarımadanın Rusiya tərəfindən ilhaq edilməsinə qarşıdır.
Milli.Az

RƏYLƏR

BU KATEQORİYADAN DİGƏR XƏBƏRLƏR