2018-ci ildə keçiriləcək Futbol üzrə Dünya Çempionatının Cənubi Amerika zonası üzrə təsnifat mərhələsi çərçivəsində Ekvador millisi Uruqvayı qəbul edib.
ANS PRESS-in məlumatına görə, oyun Kito şəhərində baş tutub.
Matça gəlincə, oyunda hesab 23-cü dəqiqədə açılıb. Ekvadorlu futbolçu Felipe Kaysedo Xuan Karlos Paredesin ötürməsindən sonra komandasını hesabda önə keçirib. Uruqvayın cavabı isə, 49-cu dəqiqədə gəlib. Edinson Kavani Nikolas Lodeyronun cərimə zərbəsindən sonra havalandırdığı topu başla qapıdan keçirib.
Ancaq uruqvaylı azarkeşlərinin sevinci 10 dəqiqə çəkib. 59-cu dəqiqədə Ekvadorun heyyətində Fidel Martines vurduğu qolla Ekvadorun Uruqvay üzərində 2:1 hesablı qələbəsini rəsmiləşdirib.
Ekvador - Uruqvay oyunu
Cənubi Amerika zonası üzrə təsnifat mərhələsinin turnir cədvəli