Bakı. 2 dekabr. REPORT.AZ/ Azərbaycanın İsmayıllı rayonunun Lahıc kəndinə məxsus mis məmulatları YUNESKO-nun qeyri-maddi mədəni irs siyahısına daxil edilib. "Report" təşkilatın mətbuat xidmətinə istinadən xəbər verir ki, bununla bağlı qərar qeyri-maddi mədəni irs üzrə Hökumətlərarası Komitənin Namibiyada keçirilən iclasında qəbul edilib.
Qeyd edək ki, bəşəriyyətin qeyri-maddi mədəni irsinin Reprezentativ siyahısına düşməyə 34 obyekt iddia edir. Hazırda bu siyahıda 314 obyektin adı var.