Bakı, 7 dekabr, AZƏRTAC
Dünya Şahmat Federasiyasının (FİDE) prezidenti Kirsan İlyumjinov istefa verib. Onun istefası federasiyanın İdarə Heyətinin toplantısında qəbul olunub. Yunanıstanda keçirilən toplantıdan sonra FİDE rəsmi məlumat yayıb.
AZƏRTAC xəbər verir ki, 1995-ci ildən federasiyaya rəhbərlik edən rusiyalı biznesmenin vəzifəsini İdarə Heyətinin razılığı ilə Yunanıstan Şahmat Federasiyasının prezidenti Georgios Makropoulos icra edəcək.