Bakı, 12 dekabr, AZƏRTAC
Dekabrın 12-də Bakı Dövlət Universitetinin (BDU) kollektivi ümummilli lider Heydər Əliyevin xatirəsini anma günü münasibətilə ağacəkmə kampaniyası keçirib.
AZƏRTAC xəbər verir ki, tədbirdə BDU-nun rektoru, akademik Abel Məhərrəmov, universitetin əməkdaşları və tələbələr iştirak ediblər. Aksiya çərçivəsində yüzlərlə ağac əkilib.
Akademik A.Məhərrəmov bildirib ki, BDU-da Ulu Öndərin xatirəsinə həsr olunan çoxlu tədbir keçirilib. Bu tədbirlərdən biri olan ağacəkmə aksiyası ölkəmizin ekologiyasına müsbət təsir göstərəcəkdir.
