​Bakı-Quba-Rusiya yolunda üç maşın toqquşub, azyaşlı uşaqlar xəsarət alıb

23:27 13 Dekabr 2015
22 Sosial
Ölkə mətbuatı
A- A+

"Report" xəbər verir ki, hadisə yerində "Ford" markalı mikroavtobus iki minik maşını ilə toqquşub.
Nail Məmmədovun idarə etdiyi mikroavtobus iki "Hundai" markalı avtomobilə çırpılıb. Maşınlardan birinin sahibi Zaur Hüseynovdur, digərinin sahibi adı, hələ ki məlum olmayan xanım sürücüdür. Sürücülərin üçü də Bakı sakinləridir.
"Ford" markalı avtomobil Bakı istiqamətindən gələrkən, yolun əks istiqamətinə çıxaraq Qubadan gələn "Hundai"la, ardınca isə qadının idarə etdiyi maşınla toqquşub. Sonuncu maşında olan azyaşlı uşaqlar xəsarət alıblar. Yaralılar Siyəzən Regional Diaqnostika Mərkəzinə aparılıblar. Digər sürücülər isə yüngül xəsarətlər alıblar. Avtomobillərə ciddi ziyan dəyib.
Bundan əlavə, qəzadan sonra avtomobil sahibləri arasında mübahisə düşüb. Hadisə yerinə dərhal polis əməkdaşları cəlb olunub. Avtomobil sahibləri arasında düşən mübahisəni sakitləşdirdikdən sonra, kimin günahkar olduğunun Avtoekspertizadan sonra məlum olacağı bildirilib.
Faktla bağlı araşdırma aparılır.

Xəbərin orijinal ünvanı: http://report.az/hadise/baki-quba-rusiya-yolunda-uc-masin-toqqusub-azyasli-usaqlar-xesaret-alib-foto

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR