Prodüser Tarix Əliyev (Tolik) müğənniləri ələ salıb.
Milli.Az bildirir ki, axşam.az-ın məlumatına görə, Tolik ifaçıları vergidən qorxduqları üçün toylarını gizlətməkdə günahlandırıb:
"Deyirəm, qorxu pis şeydi. Məhərrəmlik neçə gündür bitib, müğənnilər İnstaqram-a toylarını qoymurlar. Amma bir neçə ay bundan əvvəl gündə toyda olmasalar da, yalandan videolar qoyub, kimlərəsə nəyisə sübut etmək istəyirdilər. İndi də edin də... Vergi (Vergilər Nazirliyi - red.) görər? Ona görə də kimlərəsə acıq verəndə, evdə oturub yalandan "toydayam" deyəndə belə olacaq.
Havayı getdikləri məclisi elə bəh-bəhlə İnstaqram-a qoyub, "bu gün filan yerdəyəm. Oradan çıxıb filan yerə getdim" edirdilər. Nədi-nədi camaat baxıb desin ki, gündə toyu var, deməli, yaxşı müğənnidir. İndi vergilər üstlərinə düşüb deyə bilmirlər ki, biz acığa edirdik bunu. Allah köməyiniz olsun".
Milli.Az