Bakı. Trend:
Dağlıq Qarabağ münaqişəsi yalnız danışıqlar nəticəsində həll oluna bilər. Trend TASS agentliyinə istinadən xəbər verir ki, bunu şənbə günü Berndə Azərbaycan və Ermənistan Prezidentləri İlham Əliyev və Serj Sarkisyanla görüşən İsveçrənin xarici işlə naziri Didye Bukhalter deyib.
Nazir tərəfləri dialoqu möhkəmləndirməyə və hər-hansı gərginlik halları və təxribatlardan imtina etməyə çağırıb. Didye Bukhalter qeyd edib ki, Bern ölkə ərazisində görüşlər təşkil edib, ekspertlərin köməyini təklif etməklə dialoqun genişləndirilməsinə yönəlmiş səyləri dəstəkləməyə hazırdır.
Didye Bukhalter qeyd edib ki, Cənubi Qafqaz İsveçrənin sülh siyasəti sahəsində prioritetləri sırasındadır və deyib ki, İsveçrə 2014-cü ildə ATƏT-də sədrlik etdiyi dövrdə təşkilat çərçivəsində vasitəçilik formatının saxlanılmasını dəstəkləyib.
Bizi Twitter-dən izləyin: @trend_az