Bakı avtovağzalı yanvarın 5-dək gücləndirilmiş iş rejimində çalışacaq

Bakı avtovağzalı yanvarın 5-dək gücləndirilmiş iş rejimində çalışacaq
19:03 22 Dekabr 2015
30 Digər
Ölkə mətbuatı
A- A+


Bakı, 22 dekabr, Elvin Camalov, AZƏRTAC
Bakı Beynəlxalq Avtovağzal Kompleksi Dünya Azərbaycanlılarının Həmrəyliyi Günü və Yeni il bayramı ilə əlaqədar yanvarın 5-dək gücləndirilmiş iş rejimində çalışacaq.
Bu barədə Bakı Beynəlxalq Avtovağzal Kompleksinin növbə rəisi Məhəmməd Abdullayev AZƏRTAC-a deyib.
Onun sözlərinə görə artıq gücləndirilmiş iş rejiminə keçilib. Adi günlərdə 300-350 nəqliyyat vasitəsilə 7500-8500 sərnişin daşınırdısa bayram ərəfəsində 650-700 nəqliyyat vasitəsilə 16-17 min sərnişinin yola salınması nəzərdə tutulub.
M.Abdullayev qeyd edib ki, ən çox sıxlıq dekabrın 28-dən 31-nə kimi müşahidə olunur: “Sərnişinlərə biletləri 10 gün əvvəlcədən alınması tövsiyə olunur. Sıxlığın ən çox müşahidə olunacağı dövrlərdə bilet satışında problemin olmaması üçün sərnişinlər online vasitəsiylə də biletləri ala bilərlər”.

RƏYLƏR

BU KATEQORİYADAN DİGƏR XƏBƏRLƏR