Bakı, 23 dekabr, AZƏRTAC
Azərbaycan Dillər Universitetində (ADU) 31 dekabr – Dünya Azərbaycanlılarının Həmrəyliyi Günü münasibətilə “Ən yaxşı tələffüz” üzrə müsabiqə keçirilib.
ADU-nun ictimaiyyətlə əlaqələr departamentindən AZƏRTAC-a bildiriblər ki, bu ali məktəbin ingilis dilinin fonetikası kafedrasının təşkilatçılığı ilə keçirilən yarışmada pedaqoji (ingilis dili-alman dili) fakültənin II kurs tələbələri ingilis dilində tələffüz etmə bacarıqlarını nümayiş etdiriblər. Müsabiqənin birinci mərhələsində iştirak edən 30-a yaxın tələbə arasından seçilmiş 10 nəfər növbəti mərhələdə birincilik uğrunda mübarizə aparıb.
Münsiflər heyəti müsabiqədə iştirak edən tələbələrin dil bacarıqlarını qiymətləndiriblər. Müsabiqənin qalibləri diplomlara layiq görülüb.